Rikonoxximent għall-Eċċellenza
It-Tielet Edizzjoni tal-Malta Tourism Awards
Il-Malta Tourism Awards jirrappreżentaw inizjattiva ewlenija fl-eċċellenza fit-turiżmu korporattiv, u jipprovdu opportunità biex jiġu esebiti u onorati fornituri tas-servizz tat-turiżmu lokali li huma eċċezzjonali. Dawn il-premjijiet għandhom l-għan li jippromwovu, jinkoraġġixxu u jippremjaw servizz ta’ kwalità għojla fl-industrija.
Huma jsaħħu wkoll il-viżibbiltà ta’ Malta bħala destinazzjoni ewlenija tat-turiżmu u jservu bħala pjattaforma biex jippromwovu tmexxija fis-settur tat-turiżmu lokali, filwaqt li joffru viżibbiltà ikbar għad-diversi opportunitajiet ta’ karrieri f’dan is-settur.
Finalment, il-premjijiet jaġixxu bħala katalist għall-innovazzjoni, jinkoraġġixxu tkabbir sostenibbli u responsabbli, u jagħtu ħajja ġdida tul il-katina tal-valur tat-turiżmu.
Kategorija A : Premju għall-Iżvilupp tat-Turiżmu Responsabbli
Il-Premju għall-Iżvilupp tat-Turiżmu Responsabbli twaqqaf biex jirrikonoxxi l-partijiet interessati ewlenin li joffru prodott turistiku eċċellenti permezz ta’ investiment sinifikanti biex jiġi żgurat futur reżiljenti għall-industrija tat-turiżmu lokali. L-Awtorità Maltija għat-Turiżmu tinkoraġġixxi inizjattivi ta’ investiment responsabbli li jindirizzaw l-għanijiet ewlenin skont l-Istrateġija Nazzjonali tat-Turiżmu 2021-2030: Diġitalizzazzjoni; Taħriġ u Titjib tal-Ħiliet fir-Riżorsi Umani; Dekarbonizzazzjoni u Innovazzjoni.
Hekk kif Malta qed tipprepara għall-fażi li jmiss tal-iżvilupp turistiku tagħha permezz tal-Istrateġija għat-Turiżmu ta’ Malta 2027–2035, bit-tema “Review, Reset, Realign”, il-Premjijiet jirriflettu din il-bidla strateġika. Filwaqt li fil-passat l-enfasi kien fuq l-irkupru issa huwa iktar fuq l-irfinar, l-allinjament strateġiku mill-ġdid u l-ħolqien ta’ impatt sostenibbli fit-tul. Din hija tranżizzjoni li tirrifletti l-maturità tas-settur, li qed jimxi mir-reżiljenza lejn tiġdid u innovazzjoni.
Nominazzjonijiet jistgħu jiġu sottomessi minn negozju jew kumpanija eliġibbli f’waħda mill-kategoriji li ġejjin:
-
Żvilupp tat-Turiżmu Responsabbli: L-Aqwa Tagħlim tal-Lingwa Ingliża
-
Żvilupp tat-Turiżmu Responsabbli: L-Aqwa Ċentru ta’ Diving
-
Żvilupp tat-Turiżmu Responsabbli: L-Aqwa Trasport Domestiku (inkluż Art u Baħar)
-
Żvilupp tat-Turiżmu Responsabbli: L-Aqwa Attrazzjoni għall-Viżitaturi
-
Żvilupp tat-Turiżmu Responsabbli: L-Aqwa Servizzi tal-Ivvjaġġar u Turiżmu
-
Żvilupp tat-Turiżmu Responsabbli: L-Aqwa Stabbiliment tal-Ikel
-
Żvilupp tat-Turiżmu Responsabbli: L-Aqwa Akkomodazzjoni (<75 kamra tas-sodda)
-
Żvilupp tat-Turiżmu Responsabbli: L-Aqwa Akkomodazzjoni (>75 kamra tas-sodda)
Kriterji
Kull Kriterju huwa rifless permezz ta’ mistoqsija fil-formola tan-nomina li ġġorr punteġġ rispettiv. Għaldaqstant, sottomissjonijiet li jissodisfaw għadd ikbar ta’ kriterji mil-lista li ġejja jingħataw klassifikazzjoni ogħla:
(N.B. Ikklikkja fuq kull kriterju biex tara iktar dettalji)
Barra minn hekk, l-evalwazzjoni ser tkopri wkoll il-Preżenza Diġitali tan-negozji eliġibbli li jissottomettu nominazzjonijiet fil-kategorija tal-Premju għall-Iżvilupp tat-Turiżmu Responsabbli. Iktar informazzjoni tista’ tinkiseb minn hawn.
Biex tippreżenta n-nominazzjoni tiegħek għall-Premju għall-Iżvilupp tat-Turiżmu Responsabbli, jekk jogħġbok uża l-Formola tan-Nomina li tinsab hawn taħt.
Sottomissjonijiet għall-Premju għall-Iżvilupp tat-Turiżmu Responsabbli għandhom ikunu relatati ma’ investiment li jkun sar minn negozju jew kumpanija eliġibbli matul is-sena 2026. Għal dan il-premju l-applikant irid jindika jekk in-nomina tirrappreżentax l-istabbiliment tiegħu stess jew jekk tkunx f’isem konsorzju jew grupp ta’ kumpaniji. Kwalunkwe parti involuta trid tkun negozju jew kumpanija eliġibbli.
Kategorija B : Premju tal-Ħaddiem tas-Sena fit-Turiżmu
Il-Premju tal-Ħaddiem tas-Sena fit-Turiżmu jirrikonoxxi ħaddiema li joffru servizz eċċezzjonali f’wieħed mill-oqsma ewlenin fl-industrija tat-turiżmu. In-nominazzjonijiet huma bbażati fuq is-servizz eċċezzjonali tal-ħaddiema li jmur lil hinn mill-obbligi tax-xogħol mistennija minnhom fil-post tax-xogħol tagħhom. Il-ħaddiem nominat irid ikun jaħdem f’negozju jew kumpanija eliġibbli u jkun wera l-attributi rilevanti matul is-sena 2026.
Nominazzjonijiet jistgħu jiġu sottomessi minn negozju jew kumpanija eliġibbli f’waħda mill-kategoriji li ġejjin:
-
Ħaddiem tas-Sena fit-Turiżmu: Tagħlim tal-Ilsien Ingliż (Skejjel/Familji Ospitanti)
-
Ħaddiem tas-Sena fit-Turiżmu: Ċentru tad-Diving
-
Ħaddiem tas-Sena fit-Turiżmu: Trasport Domestiku (inkluż Art u Baħar)
-
Ħaddiem tas-Sena fit-Turiżmu: Attrazzjoni għall-Viżitatur
-
Ħaddiem tas-Sena fit-Turiżmu: Servizzi tal-Ivvjaġġar u Turiżmu (Aġenziji tal-Ivvjaġġar li jilqgħu turisti f’pajjiżna,
Destination Management Companies u Organizzaturi ta’ Eskursjonijiet) -
Ħaddiem tas-Sena fit-Turiżmu: Gwidi Turistiċi
-
Ħaddiem tas-Sena fit-Turiżmu: Stabbilimenti tal-Ikel
-
Ħaddiem tas-Sena fit-Turiżmu: Akkomodazzjoni (<75 kamra tas-sodda)
-
Ħaddiem tas-Sena fit-Turiżmu: Akkomodazzjoni (>75 kamra tas-sodda)
Kriterji
Kull Kriterju huwa rifless permezz ta’ mistoqsija fil-formola tan-nomina li ġġorr punteġġ rispettiv. Għaldaqstant, sottomissjonijiet li jissodisfaw għadd ikbar ta’ kriterji mil-lista li ġejja jingħataw klassifikazzjoni ogħla:
1. Il-ħaddiem wera prestazzjoni eżemplari fl-operazzjonijiet ta’ kuljum fl-2026;
2. Il-ħaddiem wera ħiliet eċċezzjonali fis-servizz lill-klijenti, li marru lil hinn minn dak meħtieġ biex tiġi żgurata esperjenza pożittiva għat-turisti u l-viżitaturi fl-2026;
3. Il-ħaddiem wera kapaċità ta’ tmexxija, kreattività u xogħol f’tim fl-2026;
4. Il-ħaddiem wettaq azzjonijiet li jistħoqqilhom apprezzament, li marru lil hinn mill-obbligi tax-xogħol, kemm fil-post tax-xogħol kif ukoll permezz ta’ kontribuzzjonijiet esterni bħal parteċipazzjoni f’programmi ta’ CSR, xogħol volontarju ma’ NGOs irreġistrati, jew inizjattivi oħra notevoli fl-2026.
Biex tippreżenta n-nominazzjoni tiegħek għall-Premju tal-Ħaddiem tat-Turiżmu tas-Sena, jekk jogħġbok uża l-Formola tan-Nomina li tinsab hawn taħt.
Is-sottomissjoni għall-Premju tal-Ħaddiem tat-Turiżmu tas-Sena trid tkun relatata mal-prestazzjoni ta’ impjegat matul is-sena 2026 f’negozju jew kumpanija eliġibbli. Din in-nomina għandha tiġi sottomessa mill-management tan-negozju jew tal-kumpanija fejn il-persuna nominata hija impjegata. Negozju jew kumpanija jistgħu jinnominaw biss ħaddiem wieħed biex jirrappreżenta l-operazzjoni liċenzjata tagħhom. Għal negozji żgħar ħafna, bosta drabi ġestiti minn persuna waħda jew minn numru żgħir ta’ individwi, is-sidien jistgħu jinnominaw lilhom infushom għall-Premju tal-Ħaddiem tat-Turiżmu tas-Sena. Minbarra li jinnomina impjegat mit-tim tiegħu stess, operatur tat-turiżmu u tal-ivvjaġġar jista’ wkoll jissottometti nominazzjonijiet oħra għal gwida turistiku wieħed u/jew operatur tat-trasport domestiku wieħed, li magħhom jikkollabora fil-kors tan-negozju tiegħu.
N.B. Għandha tapplika restrizzjoni ta’ sentejn għar-rebbieħa tal-Premju tal-Ħaddiem tat-Turiżmu tas-Sena; għalhekk, l-istess individwu ma jistax jerġa’ jiġi nnominat matul dan il-perijodu.
Biex tippreżenta n-nominazzjoni tiegħek għall-Premju tal-Ħaddiem tas-Sena fit-Turiżmu, jekk jogħġbok uża l-Formola tan-Nomina li tinsab hawn taħt.
Is-sottomissjoni għall-Premju tal-Ħaddiem tas-Sena fit-Turiżmu trid tkun relatata mal-prestazzjoni ta’ impjegat matul is-sena 2026 f’negozju jew kumpanija eliġibbli. Din in-nomina għandha tiġi sottomessa mill-management tan-negozju jew tal-kumpanija fejn il-persuna nominata hija impjegata. Negozju jew kumpanija jistgħu jinnominaw biss ħaddiem wieħed biex jirrappreżenta l-operazzjoni liċenzjata tagħhom. Għal negozji żgħar ħafna, bosta drabi ġestiti minn persuna waħda jew minn numru żgħir ta’ individwi, is-sidien jistgħu jinnominaw lilhom infushom għall-Premju tal-Ħaddiem tas-Sena fit-Turiżmu.
Kategorija Ċ : Rikonoxximent Tema Speċjali
Fi sforz biex ikun hemm attenzjoni speċjali fis-setturi differenti ta’ Malta, ir-Rikonoxximent ta’ Tema Speċjali jiċċelebra s-setturi/niċeċ uniċi ta’ Malta. Dan il-premju għandu l-għan li jirrikonoxxi kontribuzzjonijiet eċċezzjonali li jippromwovu lil Malta permezz ta’ temi speċifiċi iżda sinifikanti. It-temi għall-edizzjonijiet li ġejjin jinkludu: Turiżmu Reliġjuż u tal-Fidi, Turiżmu tal-Films (Screen Tourism), Turiżmu Attiv.
Dawn it-temi annwali huma maħsuba biex jinkoraġġixxu inizjattivi kreattivi u emerġenti li jirriflettu l-identità rikka u b’ħafna sfumaturi ta’ Malta. Ser jiġi żvelat pjan tematiku ta’ tliet snin biex jispira parteċipazzjoni strateġika, jippromwovi innovazzjoni, u jiżgura kontenut frisk u varjat tul l-edizzjonijiet tal-premju.
Ir-Rikonixximent ta’ din l-edizzjoni, marbut ma’ inizjattivi ta’ Turiżmu Reliġjuż u tal-Fidi mwettqa fl-aħħar tliet snin (2024, 2025 u 2026), se jiġi ppreżentat fiċ-Ċerimonja tal-Premjazzjoni li jmiss.
Skadenza tan-Nominazzjonijiet:
-
Turiżmu Reliġjuż 31 ta' Jannar 2027
-
Turiżmu tal-Films 31 ta' Jannar 2028
-
Turiżmu Attiv 31 ta’ Jannar 2029
In-nominazzjonijiet jistgħu jiġu sottomessi minn:
-
Operaturi tat-Turiżmu Liċenzjati;
-
NGOs irreġistrati;
-
Entitajiet Pubbliċi; u
-
Organizzazzjonijiet oħra u/jew individwi li ma jkunux involuti f’xi attività kummerċjali relatata mat-tema.
Biex tippreżenta n-nominazzjoni tiegħek għar-Rikonoxximent Tema Speċjali, jekk jogħġbok uża l-Formola tan-Nomina li tinsab hawn taħt.
Kategorija D : Rikonoxximent tal-Gozo Tourism Awards
Dan ir-rikonoxximent huwa ddedikat esklussivament lir-rebbieħa tal-Gozo Tourism Awards 2026 li se jiġu mħabbra fi Frar 2027. Ir-rebbieħa jingħataw Ċertifikat ta’ Rikonoxximent waqt iċ-Ċerimonja tal-Premjazzjoni tal-Malta Tourism Awards.
DATA TAL-GĦELUQ
GĦAN-NOMINI
31 ta' Jannar 2027
Ir-rebbieħa tal-kategoriji jitħabbru waqt ċerimonja ta’ premjazzjoni skedata għall-11 ta’ Mejju 2027. Kull rebbieħ jirċievi trofew bħala rikonoxximent għall-kisba tiegħu. Il-preżentazzjoni tal-Malta Tourism Awards sservi bħala ċertifikat presiġjuż ta’ eċċellenza, tenfasizza l-impenn għal servizz ta’ kwalità eċċezzjonali u ssaħħaħ ir-reputazzjoni tagħhom fis-settur tat-turiżmu.
KUNTATT
Għal aktar dettalji jekk jogħġbok ikkuntattja:
Suzanne Brincat Dimech Philippa Licari
Kap tad-Diviżjoni Uffiċjal Eżekuttiv Industry HR
EU Matters/Funding & Industry HR
AWTORITÀ MALTIJA GĦAT-TURIŻMU
tourismawards@mtobservatory.org
+356 2291 5728/5233